Sorgerth taldea 2001.eko udan sortu zen Bermeon lagun batzuen artean denbora pasa modura. Taldekide batzuk aldatu ondoren azkenean laukotea honela gelditu zen: Andoni ahotsak, Alex bateria, Iker kitarra eta Oskar baxua. Azken hau sartu ondoren taldea serioago hartzen hasi ginen. Oskar sartu eta aste gutxira lehen kontzertua eman genuen 2002aren hasieran. Urte horretan beste hainbat kontzertu eman eta gero Nora teklatujole moduan sartzea pentsatu genuen eta geroago Sergio kitarra bezala.

2003. urtean taldea estudioan sartu zen "Occisus" maketa grabatzeko taldekideen bataz besteko adina 16 urtetako besterik ez zenean. Maketa honekin Euskadi Gaztearen maketa lehiaketaren lehenengo 20 finalisten artean sartu ginen eta Leioako pop rock maketa lehiaketan hirugarrenak geratu, Konter eta Dissbrainer taldeen atzetik. Duela gutxi Oskarrek taldea utzi behar izan zuen, ez zuelako astirik taldeari eskaintzeko. Honela, Proyecto Genoma izeneko taldean zentratzea erabaki zuen. Bere ordez Josebaitor sartu da, modu honetan Sorgerth taldea berriz ere osatuz.