“Orion Child” taldearen sustraiak orain dela urte batzuk aurkitzen ditugu, hain zuzen ere Oier, Jorge, Santi eta Guti elkartu eta lehen abestiak konposatzen hasi zirenean. Hortik gutxira, Victor sartu zen abeslari gisa, eta Javik teklatu jotzailearen postua hartu zuen. Gauzak horrela, kostata, baina entseatzeko lokal egoki bat eskuratu genuen eta gogor hasi ginen lanean. Pixkanaka-pixkanaka abestiak sortu eta taldea sendotzen hasi zen. Alabaina, 2005eko irailean Gutik (bateria) eta Javik (teklatua), arrazoi pertsonalak medio, taldea uztea erabaki zuten. Beraiek utzitako hutsunea, ordea, laster bete zuten Jandrok (bateria) eta Julen-ek (teklatua). Era berean, entsegu lokal berria aurkitzen dugu eta taldea ofizialki osatuta gelditzen da. 2006ko ekaina eta uztaila bitartean abesti batzuk grabatzen ditugu lokalean. Gaur egun arte, 2 kontzertu eskaini ditugu eta oso gustura gelditu gara lortutako soinua eta baita jendearen artean izan dugun harrerarekin.