Mortinatum taldea, Orko ta Urgarunek sortu zuten 2001-2002ko neguan, gizakiekiko zuten gorroto ta mesprezu sentimenduengatik. 2002ko uda bitarte, momentuan taldea osatzen zuten Orko eta Urgarunek, taldearen norabide musikala, eta abestietan isladatuko zuten filosofia finkatu zuten.

2002. urteko udan, Luzifugo Rofocale (aldi berean, Dark Faith taldeko bateria) eta apur bat beranduago Morgoth (baxua), batu ziren Mortinatum taldera. Bi taldekide hauen sarrerarekin, taldea osaturik geratu zen, eta honela, egun lau taldekidez osaturiko taldea dugu Mortinatum.

Diskografiari dagokionez, uda bereko uztailan, "Hau da Guda" deituriko abesti bat grabatzeko aukera izan zuten. Honako abesti hau, kristau moralari eginiko kritika bat da. Gainera, abesti bortitz eta bikain honekin, metal beltza jorratzen duten talde sendo bat direla adierazi nahi dute. Horretarako, laister hiru abestiz osaturiko demo bat kaleratuko dute.

Euskal Herrian metal beltzik ez zegoela uste zutenek, Mortinatum taldearekin izango dute parada estilo honekin gozatzeko.