Luther 1993-an Eibarren jaiotako taldea da, handik gutxira beraien lehen kontzertuak ematen hasi ziren Eibar eta inguruko herrietan, horrela beraien burua jendaurrean ezagutara emanez. Handik gutxira, Devoradores Diario Vasco egunkariko lehiaketa irabazi zuten.

Hainbat formazio aldaketa izan ondoren, 1996-ko udaran Asier (kitarra eta ahotsean), Oliver (baxu eta ahots nagusian), Carlos (kitarran), eta Iñakik (baterian), -HERIOTZAREN AUZOAN- beraien lehen maketa grabatu zuten, jendearen artean harrera bikaina izan zuelarik, besteak beste Villa de Bilbao maketa lehiaketan ordezko talde bezala izendatuak izan ziren eta prentsa espezializatuan kritika onak jaso zituzten.

1997-ko Urtarrilean Oliver-ek taldea uzten du, bere ordez Alex (ahots nagusian) eta Jatsu (baxuan) sartu zirelarik. Hainbat disketxetako eskeintzak izan ondoren, 1998. urteko udaberri bukaeran taldeak bere lehen diska plazaratzen du, ARISE records disketxearekin (putaseme galantak benetan), diska honen izenburua, "MUGAN" delarik. Diska hau Bilboko "Rock estudios"-en grabatua izan zen Carlos Creator-ek produzitu zuelarik (ederra elementua).

1999-ko uda hasieran Asier-ek taldea uztea erabakitzen du, bere ordez Adrian kitarrajolea elkartu zen taldera, gaur arteko formazioa osatuz.

Taldeak lantzen duen musika: Heavy-Metal , Heavy-Thrash, Caña edo nahi duzun bezala deitu, beraien influentziak Annihilator, Dream Theater, Liquid Tension, Metallica, Pantera, Iron Maiden, Primus, King Krimson, Anthrax, Sepultura, Joe Satriani... izan daitezke baina pertsonalki bakoitzak oso musika ezberdina du gogoko, Jazz, Folk, Fusion...

Tartean kontzertu ugari eman dituzte besteak beste Etsaiak, Su ta Gar, King Mafrundi, Kafha, Eraso,Urtz... taldeekin, eta aipagarria den Jerez-ko 98.urteko BARVARIAN ROCK makro jaialdian Cradle of filth, Napalm Death, Soziedad Alkoholika, Manowar (azken hau negargarria)...taldeekin.

Eskuartean duzuen CD hau, Luther-en hurrengo diska izango denaren aurrerapena duzue, bitartean kontzertuak eman eta abesti berriak ateratzen diardute.