Legen Beltza taldea 1998 aldera sortu zen. Gaur egun taldea ondokoek osatzen dute:
Edorta (puzkerrak ta beste zarata perkusibo batzuk) Ekaitz (gitarra sokak txikiu ta koruetan gallo batzuk) Xanti (bajuekin tapping batzuk ta eztarriye bertan laga gauero) Azkue (gitarra Azkoitiar bendejue).
Hasera haietan, berehala erabaki zuten maketa bat grabatzea, “Ziztu Bizian” izenekoa. Ordungo taldekideak hauek ziren:

Ekaitz (Kitarra)
Joseba (Kitarra)
Xanti (Baxua eta Ahotsa)
Antonio (Bateria)
Edorta (Bateria abesti batean)

Maketa grabatu ostean Antoniok taldea utzi eta Edortak hartu zuen bere lekua. Hainbat kontzertu eman eta gero, urtebetera edo, beste Demo bat grabatzea erabaki zuten. Demo hau Urrestillan garbatua izan zen. Demo honekin, hainbat kritikaren ostean, Baionako Gure Irratiak antolatutako Gazte Leiho lehiaketan bigarren saria lortu ostean, IZ Rock disketxearekin diska bat grabatzeko aukera suertatu zitzaien. Beren estreineko “Istorio Triste Bat” izeneko diskaren grabaketa aurretik Josebak taldea uztea erabaki zuen, eta ondoko hirurek grabatu zuten diska:

Ekaitz (Kitarrak)
Xanti (Ahotsa eta Baxua)
Edorta (Bateria)

Diska hau 2001 eko udan kaleratua izan zen. Arrakasta itzela ez izan arren, izena pixkat zabaltzea lortu zuten Euskadi Gaztea eta hainbat herri irratitan entzunez, eta hainbat aldizkaritan ere kritikak agertuz, Hell Awaits, Kerrang, Heavy Rock-en besteak beste.
Hirukote bezala hainbat kontzertu eman eta gero, IZ Rock taldea bultzatzen jarraitzeko arazoetan zebilela ikusiz, beste demo bat grabatzea erabaki zuten, Euskal Herriko beste disketxeetara bidaltzeko. Panorama beltza ikusita, kanpora begira hastea erabaki zuten, eta hala, Insanity izeneko demoa munduan zehar bidali eta gero, Crash Music Inc. disketxe amerikarra interesatua zegoela eta, taldeak ingeleraz abesten hartzeko erabaki benetan latza hartzen du, hehe. Guzti hau gertatzen zen bitartean, Josebaren hutsunea somatzen zutenez, beste partaide bat gehitzea erabaki zuten, eta hor sartu zen Azkoitiko mutil lerdena, Azkue jauna. Honela taldea berriro indarrez bultzatzeko animoekin, kantu berri indartsuagoak konposatu eta grabatzeko prestatu ziren. Gaur egun arte. Diska berria uda erdi aldera ateratzekotan dira. Orain artekoa L.B.-rena Thrash-a zela esaten zutenek, orain agian beste termino berri bat asmatu beharko lukete.