Himen, 2003ko martxoak 2an sortutako Berako musika taldea da. Nahiz eta hasieran Nirvana motako talde bat egitea genuen buruan, gure kantetan estilo aunitzeko erritmo eta melodiak sartzen joan gara eta gaur egun thrash-a, metal berria, eta grunge ikutu bat duen metal kañeroa egiten dugu. Bertzerik gabe gustoko ditugun idei desberdinekin egurra ematea eta gustora gelditzea gustatzen zaigu. Letretan aurkitzen dena zera da: kritika soziala, barne gatazkak, Euskal Herriaren egoera, guri gertatutako istorio katxonduk... edozein gazteek burutan dituen gauzak.

Hasieratik orain arteko formazioara ailegatu arte hain bat aldaketa egon dira. Lehendabiziko hilabeteetan lau lagun juntatzen ginen asteburutan zerbait berria egitegatik, gero abeslari berri bat hartu genuen. Eta duela gutti, azken pausua ematea erabaki genuen: Jabi bajua, Mikel guitarra, Jones guitarra eta ahotsa eta Oihan bateria. Orain, denbora pasa baino gehiagotzat hartzen dugu musika. Aunitz ensaitzen dugu, kontzertuak jotzen ari gara, eta orain dela gutti bost kantuko maketa eder bat atera dugu.

Kontzertutan izandako esperientziak hagitz onak izan dira. Sexty sexers, Desoreka, More, Mokba, Eten eta Seiurterekin jo dugu, eta momentu arte jendearen erantzuna izan da “la ostia”. Mugimendua sortzen da aurreko ilaretan eta hori ikusita motibatzen gara. Hori da guk uste talde batentzat momenturik oberenetarikoa, hilabeteak ensaioan egon ondotik, zure kantak jo, eta ikusi nola publikoari gustatzen zaion eta zure doinuekin mugiarazten dituzun. Gainera kontzertuetan “show” pixkot ematea gustatzen zaigu, metalaren estereotipoarekin jolastuz irri batzuk botatzeko.

Ez dugu bilatzen talde ezagun bat izatea, bertzela pop musika joko genuen, baina bai gustatuko zitzaigula inguruko herrietatik pixkot ateratzea, lagun eta ezagun ez diren jendeari gure musika erakusteko eta ikusi nolako sentsazioa ematen al dugun.

Beti jarraituko dugu gure letrekin, gure ideiekin eta kontzertuetan al dugun guztia ematen. Musikaren bidez gure mezuak erranez eta “kaña” emanez.