Denial taldearen istorioa, Arrasaten (Gipuzkoa) kokatu behar dugu. Hasi zirenetik, herriaren kanpoaldean dagoen eraikin batean burutzen dituzte entseguak. Zarata nahikoa sortu arren, ez dute inolako arazorik izan “bizilagunekin”, eraikina industrialde baten erdian dagoelako. Honela, lau pareta horiei esker gustuko duten guztia eta gehiago egiteko aukera izan dute. Aukera dute. Baina egin dezagun denboran atzera taldearen sorrera hobeto ezagutzeko.

Istorioa, garaje eta tailer mekaniko batean hasten da. 2000. urtean gaude. Alex, Ibai eta Luisek Desire Of Death taldean jotzen zuten. Talde hau osatzeko asmoarekin Roberto Denial zaharreko kide zenarekin batu eta izen bereko talde berria sortu zuten. Denbora gutxira, Esteban antzina Robertorekin batera jotzen aritu zena, baxu jole gisa sartu zen taldean. 2002ko abenduan, Otuto (Numen) abeslariaren sarrerarekin batera, izen bereko lehen maketa grabatu eta ekoiztu zuten. Alabaina, ez zen denbora asko igaro Otutok taldea uztea erabaki zuenerako. Ezusteko honen aurrean, Roma agertu eta abeslariaren hutsunea bete zuen. Honela, 2005eko uztailean Zarautzeko “Fidelenea” estudioetan bederatzi abesti berri grabatu zituzten, Mikel Kazalisen (Estigia, Anestesia, Negu Gorriak) gidaritzapean. Grabaturiko abestien artean, ‘Phobia’ dugu, diskoari izena ematen diona. Bestalde, eta Denial taldearen ohiturari jarraiki, “Zoramena” kantuaren bideo-klip bat ikus daiteke gipuzkoarren estreinako lanean.

01.- Bakarrizketan
02.- Mendekua
03.- Phobia
04.- Heriotzaren Deia
05.- Egunsenti Gorria
06.- Zoramena
07.- Itzuli Naiz
08.- Kontzientzia
09.- Lore Zimelduaren Bidea
+ Bideo klipa: Zoramena

01.- Flor Marchita
02.- Sensaciones
03.- Sentenciado
04.- Gesto De Dolor
05.- Falling In Shit
+ bideoa