AZKEN GARRASIA Donostiako Heavy Metal taldea gara. 1998ko bukaeran bildu ginen eta 2000ko apirilaren 10ean kaleratu genuen gure maketa. Kanta berriak grabatzeko entsaiatzen dihardugu gaur egun.

1998aren amaieran elkartu ginen Imanolek buruan zituen kanta batzuk osatzeko. Denbora epe batean abesti berriak sortu genituen eta maketa grabatzea erabaki genuen Oreretako Jorge Reboredoren “77” estudioan. Bertan bere “8pistas” analogikoaren bidez grabatu genituen konpaktuan aurki ditzakezuen 6 kantak. Instrumentu guztiak 99aren bukaeran grabatu genituen hiru egunetan, baina ahotsa 2000ko Otsaileko goiz baterarte ezin izan genuen grabatu, kantaririk ez bait genuen aurkitzen.

2001. urtean Ondarruko maketa lehiaketako lehen saria eskuratu genuen. Horrez gain, hasi ginenetik orain arte Donostiako hainbat auzotako, Pasaiako, Ibarrako, Leihoako, Usurbilgo, Legazpiko, Mutrikuko, Debako, Markinako, Gernikako, Amarozeko, Ondarruko eta Irungo gaztetxe, festa, taberna edo kontzertu aretoetan eskeini ditugu gure emanaldiak.

Maketako bateri-joleak (Barrene) eta kantariak (Kaba) taldea utzi zuten eta ia bi urte pasa ditugu ordezkoak aurkitu nahiean, Björn eta Isasiri esker taldea osatzea lortu dugun arte, eta bestalde, lokalik gabe ibili gara azkenaldian; beraz, oraintxe hasi gara berriz ere martxa hartzen.

Bestalde, 2.004. urteko Ekainean Valentziako Massalfa-Rock festibalean aritu ginen jotzen. Hainbat disketan ere parte hartu dugu: Zintzilik irratiak argitaraturikoan, Atabal tabernaren bilduman, Gladiators of Metal bilduma austriarrean, eta laister Herriko Burdina irrati saioak argitaratuko duen diskan ere parte hartuko dugu.

2005-eko Ekainean azkenik "Sorgin Zorrotz" gure lehenengo diska kalean egongo da. DYE records disketxeak kaleratuko du, eta Oihukarekin negoziaketan ari gara distribuzioa aurrera eramateko.