Añorgatar hauek duela bi urte hasi ziren musika munduan, lagun batzuk elkartu eta heavy metala eginaz. Honela urtebe igaro ondoren, beraien lehendabiziko kontzertua eman zuten Añorga txikiko frontoian.  Honela, taldeak  sei abesti bikainez osturiko maketa bat grabatu zuen, "Jainkoen Egoitza" deiturikoa. Maketa, Bilboko "Carlos Creator" estudioan, 1999ko Ekainaren 28tik Uztailaren 2ra bitarte grabatu zuten, nahasketaz Karlos berbera arduratu zelarik. Gerora,  lehiaketa batzuetan indar handiz agertu ziren, esaterako; "Voces a escena" lehiaketaren finalera iritsi ziren eta Euskadi Gazteko IX. maketa lehiaketako entzuleen saria eraman zuten. Grabaketa, ordea, ez zen maketa bihurtu, IZ disketxeak zertxobait txukundu eta KD formatoan Durangoko Azokarako plazaratu baitzuen. Taldekideentzat, ordea, maketa bat besterik ez zen, eta argi zeukaten benetako diskoa lehenbailehen atera nahi zutela.

           Dena den, 2000. urteko udan añorgatarrak lanpetuta ibili ziren kontzertu ugari ematen eta aldi  berean disko berria prestatzen. Grabazioa, IZ zigiluak Amasan duen baserrian egin zuten hiru astetan eta Karlos Kreator izan zuten berriro ere ekoizle lanetan. "Etorkizunaren Sustraia" deituriko lehen diskoak, hamabi kantu biltzen ditu eta heavy alemaniarrarekin uztartutako musika estiloa jorratzen dutela nabaria da beraien kantuetan. Hitzei dagokienez, mitologia da gai nagusia, hala ere, gaur egungo arazoetaz, inmigrazioa edota haurren lana, kasu, diskoan ageri dira. Kolaborazioak ere ugariak ,izan ziren grabaketan, esaterako Aitor Uriarte, Latzen eta Sen taldeko abeslaria. Musikaren estiloan gehiago barneratuz, talde honek heavy metal klasikoa jorratzen duela esan behar da. Maketa atera zutenetik arrakasta lortzen ari dira ea honela jarraitzen duten.

           2001. urtean etena egin ostean, 2002. urteko Udan lanean hasi ziren jo eta su, kanta berriak prestatzen, eta hori emaitzan nabaritu egiten da: Asier Enbilek sekula baino hobe abestu du (koro ederrak eginez) eta taldeak ideiak oso garbi dituela antzematen da. Diska berria "III", Azaroan kaleratu dute Gor disketxearen eskutik.