"Sorrera" (Intro) izenekoak mundu etereo baten sorrera adierazten du. "Aiumeen Basoa (Arlekina)" abestiak, bestetik, arlekin baten bizitza triste eta ezezaguna islatzen du. Eta "Aintzinako guduen oroimena" delakoan, zuhaitz zahar batek aintzinako guda baten istorioa kontatzen dio ibiltzeaz nekaturik dagoen bidaiari bati. Azken abesti honetan, taldeak Ilbeltzeko Ibairen laguntza izan du, zenbait pasartetan bere ahotsa jarri baitu. Aiumeen Basoak garrantzi handia ematen dio bere herrian, Euskal Herrian, aurki daitekeen kondairaz betetako mitologiari. Beste zenbait narrazioren artean aurki daitezke Akelarreenak eta sorgin deitzen zituzten haien erreketak. Honek guztiak eragin nabarmena izan du taldearen letretan nahiz gidaritza musikalean.